السلام عليكم و رحمة الله وبركاته
شلونكم يا طباخات
عساكم بخير :up:
سويت سباغيتي دجاج على طريقتي و جبت التفاصيل معاي :21_8:
تفضوا حبيباتي :poster_av1:
المقادير
(جزر - بصل - فلفل أخضر بارد - كوسا )مقطعة شرائح طوليه
فصوص ثوم - فلفل حار - باذنجان مقلي
فطر مقطع
دجاج مسلوق أو مقلي
سباغيتي مسلوقه
بقدونس مفروم
الحين الطريقة يا طويلات العمر:
نحط شوي زيت زيتون و ننتظر لين يسخن و نضيف له البصل وننتظره لين يبدي يصير لونه ذهبي
نضيف له الجزر و نقلبهم لحد ما يبدي الجزر يصير لين
نضيف الدجاج المنتوف ومباشرة نحط فوقه الثوم المدقوق و نقلبهم
بعدها نضيف الكوسا و الفلفل البارد و شرائح الفطر ونقلب لين يذبل الفلفل البارد وتستوي الكوسا شوي بس حاسبي لا تصير وايد لينه
نحط البهارات اللي تعجبنا و نضيف البقدونس المفروم و الفلفل الحار (بس انتي تقدرين تستغنين عن الفلفل اذا ما كنتي تحبين الاكل الحار) ونقلب
بعد ما تستوي خلطة الخضره نضيف السباغيتي المسلوقه ونقلب زين ما زين و تختلطت جميع المقادير مع بعض
آخر خطوة انك تحطين الباذنجان المقلي فوق السباغيتي و تكون جاهزة للأكل
وهني وعافية
حبيباتي عرايس وطباخات اتمنى يكون الطبق عجبكم و اذا استاهل قيموني
و الموضوع من مجهودي الشخصي
تحياتي لكم كلكم :21_213:
